Главная » Файлы » "Табасарандин нурар"
[ Добавить материал ]
Варидюн’яйин талитариъ – кьюбпи йишв
17.06.2011, 23:19
Май вазлин 14-15-пи йигъари Тайвань уьлкейин Тайнань шагьриъ аьдати ушуйиан (лей-тай) Варидюн’яйин 12-пи чемпионат кIули гъубшну. Думу талитариъ 40 уьлкейин командйир иштрак гъахьну, гьадму гьисабнаан - Урусатдин командара. Къайд дапIну ккундуки, Урусатдин командайин аьхюнуб пай Дагъустандиан вуйи спортсменарикан ибарат дубхьнайи – дурарин кьадар ургур кас вуйи. Дурарикан юкьури гъизилин медалар, кьюри – арсран медалар, сари – кемшрин медаль гъазанмиш гъапIну. Рябкъюрайиганси, Дагъустандиан вуйи вари спортсменари пешкешнан йишвар гъазанмиш гъапIну. Му аьхю хъуркьувал ву.
Разивалиинди къайд апIуз ккундузузки, Урусатдин командайин дахилнаъ ихь ватанагьли, Табасаран райондин Хюрикк гъул’ан вуйи Назим Гьяжиевра айи. Дугъу му талитариъ шубуб кчIихуб кIули гъухну, гьарсаб кчIихбаъ заан активвал ва устадвал улупну. Вари кчIихбар китайин спортсменарихъди гъухну. Кьюб кчIихуб гъалибвалиинди ккудукIну, сабдиъ магълуб гъахьну. Натижайиъ Назим Гьяжиев, му чемпионатдиъ кьюбпи йишваз удучIвну, арсран медалин, Кубокдин ва Дипломдин сагьиб гъахьну.
Ихь ватанагьли Назим Гьяжиев метлебнахьна гъягъюз гьяракат айи бажаранлу спортсмен ву. Дугъаз мюгькам сагъвал, ягъурлувал, гележегдиъ хъана заан хъуркьувалар хьуб ккун апIурхьа.
- Спортдин аьхю талитариъ иштрак хьуб пулин дакьатар тIалаб апIру ляхин ву. Узхьан, эгер райондин администрацияйин кюмек гъабхьундайиш, Варидюн’яйин талитариъ иштрак хьуз удукьидайи. Тайвандиз гъягъруган узуз пулин кюмек гъапIу «Табасаран район» МР-ин глава Н.Шихмягьямедовдиз, «Экран» ООО-йин генеральный директор Навруз Аваевдиз, Табасаран райондин администрацияйин финансарин отделин начальник С.Аьлигаевдиз ва «Сельсовет Хурикский» гъуларин поселениейин администрацияйин глава Аь.Сеферовдиз чухсагъул мялум апIурза», - гъапнийи Назим Гьяжиевди ич гюрюшнан аьхириъ.
Категория: "Табасарандин нурар" | Добавил: Admin | Теги: спорт, Назим Гьяжиев
Просмотров: 1046 | Загрузок: 0 | Рейтинг: 0.0/0
Гъалибчи: адлу жергйириъ   Албагу хизан ихь уьмрин кьиматлувал ву
Всего комментариев: 0
Войдите:
avatar